Lavrov: AQSh Yevropani Rossiyaga qarshi yadro quroli qo‘llanilishiga tayyorlamoqda

Amerika tomoni Yevropa davlatlarini Rossiyaga qarshi taktik yadro qurolini qo‘llashga tayyorlamoqda, deb ma'lum qildi Rossiya tashqi ishlar vaziri Sergey Lavrov. Bu haqda RIA «Novosti» xabar bergan.

Vazir Yevropada AQSh nostrategik yadro qurolining saqlab qolinishi yadroviy qurolsizlanishga xalaqit berayotganiga e'tibor qaratdi. Shu bilan birga, «qo‘shma yadroviy missiyalar» doirasida Amerika nostrategik yadro qurolini NATO noyadroviy a'zolari ishtirokida qo‘llash rejalashtirilgan.

«Hammaga shu tushunarli bo‘lishi kerakki, shu tarzda AQSh harbiylari Yevropa davlatlari qurolli kuchlarini Rossiyaga qarshi taktik yadro quroli qo‘llanilishiga tayyorlab bormoqda», - deya ta'kidlab o‘tgan Lavrov.

U Jyenevadagi qurolsizlanish bo‘yicha anjuman davomida shunday bayonot bilan chiqqan.