Ekopen WorldBuild Tashkent-2018 ko‘rgazmasida turli uslublarda ishlangan plastik deraza va eshiklardan iborat kompozitsiyani taqdim etib, eng yaxshi stend dizayni mukofotini qo‘lga kiritdi.
Poytaxtdagi «O‘zekspomarkaz»da 28 fevral-2 mart kunlari bo‘lib o‘tayotgan WorldBuild Tashkent-2018 ko‘rgazmasi, bu – qurilish sohasida faoliyat olib boruvchi kompaniyalarga o‘zi haqida ma'lumot berib, mahsulotlarini namoyish qilish uchun ajoyib imkoniyatdir.
Ekopen kompaniyasi – deraza va eshik konstruksiyalari uchun PVX-profillarini ishlab chiqarish sohasida tan olingan yetakchilardan biri bo‘lib, o‘z mahsulotlarini xuddi shu asosda ishlab chiqarish va namoyish etish yo‘lidan bormoqda. Kompaniya ko‘rgazmada ulkan ikki qavatli stendni bunyod etib, ko‘plab tashrif buyuruvchilarning chinakam qiziqishlariga sazovor bo‘ldi va yakunda eng yaxshi korporativ stend dizayni nominatsiyasini qolga kiritdi.
Mehmonlarni jo‘shqin musiqalar qarshi olmoqda va qabulxonadagi xushmuomala qizlar esa barcha savollar bo‘yicha maslahatlar berishga tayyor. Tashrif buyuruvchilarga tanlovda ishtirok etish uchun maxsus fotozona tashkil etilgan va ikkinchi qavatdagi maxsus zonada esa Ekopen vakili bilan xotirjam muhitda muhim masalalarni muhokama qilish yoki shunchaki professional barmen taqdim etgan bir finjon qahvani ichib, rohat olish mumkin.
Biroq deraza va eshik ishlab chikaruvchi xamkorlar tomonidan Ekopen profillaridan tayyorlanayotgan mahsulotlarning taassurotlarga boy namoyishlarini dasturning o‘zagi deb atash mumkin. Deraza va eshiklarning beqiyos shakl hamda konstruksiyalari hattoki shunchaki o‘tib ketayotgan tashrif buyuruvchilarning ham kompaniya stendi qarshisida to‘xtab qolishiga sabab bo‘lmoqda. Va bu yerda Ekopen sizni hayratlantira oladi. Dizayndagi zamonaviy tendensiyalar va innovatsiyalarga keng o‘rin ajratgan kompaniya sizga turli: klassitsizm, ampir, barokko, modernizm va boshqa arxitekturaviy uslublardagi derazalarni taklif etadi. Ko‘rgazmada derazalar oddiy buyumdan har qanday xonaga betakror go‘zallik baxsh etuvchi mahsulotga aylantiradi. Bundan tashqari, yaqinda bozorda intererga o‘ziga xoslik beruvchi hay-tek va loft uslubidagi hamda Titanium rang effektiga ega Ekopen mahsulotlari namoyon etilgan.
