Ekopen romlariga 31 avgustga qadar buyurtma berib, siz sovg‘a sifatida xavfsizlik qulfi mavjud deraza tutqichiga ega bo‘lishingiz va farzandingizni bexosdan tushib ketishdan himoya qilishingiz mumkin.
Xorijiy ommaviy axborot vositalari derazadan tushib ketgan bolalar haqida muntazam ravishda xabarlar beradi. O‘zbekistonda bunday holatlar ro‘y berishi mumkin emasdek, nazarimizda. Biroq 12 fevral kuni Toshkent shahrining Olmazor tumanida bir bola bexosdan derazadan tushib ketib, jiddiy jarohatlar oldi. Statistik ma'lumotlarga ko‘ra, bunday holatlardan so‘ng bolalarning 80%i og‘ir jarohat oladi va tez yordam kelmasidan olamdan o‘tadi. Ammo bu ma'lumotni keltirishdan asosiy maqsad qo‘rqitish emas, balki ogohlantirishdir.
Ko‘pincha bolalarning derazadan tushib ketishiga kattalarning beparvoligi yagona sabab bo‘ladi. Axir, bola hali xavf-xatar nimaligini tushunmaydi. Deraza tokchasi yonida o‘ynash yoki derazaga qo‘ngan qush kutilmaganda fojyeaga olib kelishi mumkinligi uning xayoliga ham kelmaydi.
10 yildan ziyod vaqt mobaynida O‘zbekiston bo‘ylab xonadon va uylarga qulaylik va iliqlik baxsh etib kelayotgan Ekopen kompaniyasi mutaxassislari romlar xavfsizligi haqida hamma ma'lumotlarga ega. Ular bolalarning xavfsizligini va ota-onalarning xotirjamligini ta'minlashga yordam beradigan bir necha maslahatlar bilan o‘rtoqlashishadi.
Bola derazadan bexosdan tushib ketishining oldini olish yo‘llari
Qarovsiz qoldirmang. Agar xona derazalari ochiq bo‘lsa, bolani doim ko‘z ostingizda, nazoratda tuting. Bolalarni voyaga yetmaganlarga yoki keksalarga ishonib qoldirmagan ma'qul. Kattaroq farzandlaringiz planshetda o‘yinga chalg‘ib ketishlari, bobo va buvilarning esa bolalarga qarashga kuchlari yetmasligi mumkin.
Hasharotlarga qarshi to‘rlarga ishonmang. Hatto eng mustahkam to‘r ham go‘yoki xavfsizlik ta'minlangandek tasavvur hosil qiladi, xolos. U bolaning vaznidan yirtilib ketmasa ham, kutilmaganda bog‘ichlaridan yechilib ketishi mumkin.
Darchalardan foydalaning. Ba'zan xonaning havosini o‘zgartirish uchun rom darchasini ochish yoki derazani burama-tushirma mexanizm bilan xiyol ochib qo‘yish kifoya. Gap yaqinlaringizning xavfsizligi to‘g‘risida ketayotganida tejamkorlik haqida o‘ylash noo‘rin, albatta. Bundan tashqari, ushbu qurilmalar hozir ancha ommalashib qolgan.
