Yaponiyada birinchi marta ayol kishi jangovar kemalar guruhi qo‘mondonligiga kirishdi

Yaponiya harbiy-dengiz kuchlari tarixida birinchi marta zobit ayol jangovar kemalar qo‘mondonligiga kirishdi. 44 yoshli birinchi rangdagi kapitan Ryoko Adzumaning lavozimga kirishish marosimi Tokio ko‘rfaziga kiraverishda joylashgan Yokosuka harbiy-dengiz bazasida bo‘lib o‘tdi.

Yangi qo‘mondon qo‘li ostida to‘rtta kema, jumladan Yaponiya harbiy-dengiz kuchlaridagi eng yirigi - "Idzumo" vertolyot-tashuvchisi bo‘ladi. Ularda hammasi bo‘lib taxminan to‘rt ming kishi xizmat qiladi. Ayni damda, matbuot xabariga ko‘ra, "Idzumo"ni chuqur modernizatsiya qilish masalasi o‘rganib chiqilmoqda. Shundan so‘ng u bortida F-35B jangovar samolyotlarini qabul qilishi mumkin bo‘ladi.

Ryoko Adzuma 2016 yilda Yaponiya tarixida birinchi bo‘lib jangovar kema kapitani lavozimini egallagan ayolga aylandi. Mamlakat qurolli kuchlariga ayollar so‘nggi yillarda faol ravishda jalb etilmoqda. Xususan, yaqinda ularga jangovar samolyotlar pilotlariga aylanish ruxsat berildi.