AQSh shu haftayoq Xitoy tovarlariga boj joriy etadi – Bloomberg

AQSh prezidenti Donald Trampning ma'muriyati shu haftadayoq Xitoy tovarlariga taxminan 60 mlrd dollarlik miqdorda bojlar joriy etish niyatida. Bu haqda Bloomberg bir necha manbalarga asosan xabar bermoqda.

Aniqlik kiritilishicha, bojlar Pekinni Amerika korxonalaridan intellektual mulkni o‘g‘irlaganlik uchun jazolash sifatida joriy etilmoqda.

Ma'lum bo‘lishicha, ma'muriyat tovarlarning barcha turlariga keng ko‘lamli bojlar joriy etish imkoniyatini ko‘rib chiqmoqda: Xitoyda ishlab chiqarilgan maishiy elektronikadan tortib poyabzal va kiyim-kechakka qadar. Shuningdek, Xitoyning AQShga kiritadigan sarmoyalariga cheklovlar qo‘yiladi.

Manbalarning qayd etishicha, bojlarning aniq miqdori va tarkibi o‘zgarishi mumkin.