Shavkat Mirziyoyev Navro‘z tantanalari bo‘lib o‘tayotgan “O‘zekspomarkaz”ga tashrif buyurdi  

Joriy yilda Navro‘z umumxalq bayrami asosiy tadbirlari Toshkentning “O‘zekspomarkaz” ko‘rgazmalar majmuasida bo‘lib o‘tmoqda. O‘zbekiston prezidenti Shavkat Mirziyoyev ham bayram tadbiriga tashrif buyurdi. Prezidentga bosh vazir Abdulla Aripov, hukumat a'zolari hamrohlik qilyapti.

Ko‘rgazmalar majmuasida har bir viloyat uchun alohida joy ajratilgan. Tadbirda ishtirok etish uchun respublika faollari, davlat va jamoat tashkilotlari vakillari, talabalar taklif etilgan. 

Prezident O‘zbekistonning turli viloyatlarida ishlab chiqarilgan mahsulotlar ko‘rgazmasi bilan tanishdi, tadbirga kelgan oqsoqollar bilan muloqot qildi.

Eslatib o‘tamiz, o‘tgan yili bayram tantanalari Toshkent shahridagi Abdulla Qodiriy nomidagi madaniyat va istirohat bog‘ida o‘tkazilgan edi.