Kreml Rossiyada zaharlovchi moddalar ishlab chiqilayotgani haqidagi xabarlarga izoh berdi

Rossiya prezidenti matbuot kotibi Dmitriy Peskov Rossiya hududida zaharlovchi moddalar ishlab chiqarilayotgani haqida tarqalgan xabarlarni asossiz deb atadi. Bu haqda RIA «Novosti» xabar bermoqda.

Uning so‘zlariga ko‘ra, «bu juda favqulodda darajaga chiqarib yuborilgan» masala.

«Bu yerda bitta narsa aniq bo‘lib qolmoqda: Rossiya tomoni boshidan beri unga kerakli ma'lumot taqdim etishni so‘rab keldi, ushbu hodisa tafsilotlarini aniqlashtirishda ishtirok etishdan manfaatdor ekanini bildirdi», - deya aytib o‘tdi Peskov.

Uning ta'kidlashicha, Rossiya tomoniga minimal ma'lumotda ham rad javobi berilgan.

«Bu hammaga ma'lum bo‘lgan narsa. Qolgan barchasi shunchaki asossiz narsalar», - deya xulosa qilgan Peskov.

Eslatib o‘tamiz, avvalroq Kreml yana Skripal ishi bo‘yicha bayonot bergandi.