8 aprel kuni Tailand davlatining Chaingmay shahrida shaxmat bo‘yicha 8, 10, 12, 14, 16 va 18 yoshgacha o‘smirlar o‘rtasida blits yo‘nalishi bo‘yicha Osiyo chempionati bo‘lib o‘tdi.
Chempionat 9 turdan iboratdan bo‘lib, shveysarcha tizimda, 3+2 vaqt nazorati bo‘yicha tashkil etildi.
KUN.UZ’ga Shaxmat federatsiyasidan ma'lum qilishlaricha, musobaqa natijalariga qo‘ra, 12 yoshgacha qizlar o‘rtasida Umida Omonova 9 imkoniyatdan 7,5 ochko jamg‘ardi va Vetnam, Hindistondan bo‘lgan raqibalarini ortda qoldirib, Osiyo chempionatining oltin medalini qo‘lga kiritdi.
Shuningdek, Abdimalik Abdisalimov 16 yoshgacha o‘g‘il bolalar o‘rtasida Osiyo chempionatining kumush medalini qo‘lga kiritdi.
9 aprel kuni musobaqaning standart yo‘nalishining so‘nggi turi start olgan bo‘lib, unda Umida Omonova hamda Abdimalik Abdisalimov navbatdagi Osiyo chempionati medallari uchun yuqori imkoniyatga ega.
