Italiya - Fransiya chegarasida ichida 2,5 kg trotil bo‘lgan avtomobil ushlandi

Italiya politsiyasi Fransiyadan Italiya hududiga kirib kelgan minivenning ichidan deyarli 2,5 kg trinitrotoluolni topdi. Bu haqda RIA «Novosti» mahalliy huquqni muhofaza qilish organlari xodimlariga asosan xabar bermoqda.

Amaliyot Monblan tumanidagi tunnelda o‘tkazilgan. Politsiyachilar tekshiruv tadbirlari davomida oq furgonni to‘xtatishgan. Transport vositasi boshqaruvida Bosniya va Gertsegovinaning avval sudlangan 56 yoshli fuqarosi bo‘lgani aytilmoqda.

Huquqni muhofaza qilish organlari xodimlari avtomobilning uskunalar paneli ostidan maxfiy joyni, u yerdan esa kichik g‘isht o‘lchamiga ega 10tadan ortiq o‘ramni topishgan. Olingan modda umumiy og‘irligi 2,4 kg bo‘lgan trotil ekani aniqlandi.

Agentlikning mahalliy   OAVga asosan ko‘rsatishicha, tergov «terrorchilik izini» istisno etyapti. Shu bilan birga, trotil aynan qayerga yetkazib berilmoqchi bo‘lgani noma'lum.