Turkiya muxolifati prezidentlik saylovlariga nomzod bo‘yicha bir qarorga keldi

Turkiyadagi muxolif Xalq-respublika partiyasi (XRP) parlament fraksiyasi XRPdan parlament deputati Muharram Injye nomzodini 24 iyun kungi prezidentlik saylovlariga ilgari surdi. Bundan ovoz berish yakunlari darak bermoqda.

Injye Yalova viloyatidagi parlament deputati sanaladi hamda XRPning fevral oyidagi so‘nggi qurultoyida XRP raisi saylovlarida partiyaning amaldagi yetakchisi Kamol Qilichdoro‘g‘lining raqibi bo‘lgan.

Eslatib o‘tamiz, avvalroq Turkiyada hukmron partiyaning parlamentdagi fraksiyasi amaldagi davlat rahbari Toyyib Erdo‘g‘anni 24 iyun kungi saylovlarga mamlakat prezidenti lavozimi uchun nomzod sifatida ilgari surgandi. Erdo‘g‘anning nomzodi 316 deputat tomonidan qo‘llab-quvvatlangan.