AQSh HDK ikkinchi floti Rossiya suvosti kemalariga qarshi «kurashadi»

AQSh esminetsi sobiq qo‘mondoni Brayan Makgratning ma'lum qilishicha, Qo‘shma Shtatlar ikkinchi floti Atlantikada Rossiya suvosti kemalariga qarshi kurashadi. Bu haqda The Washington Post xabar bergan.

Uning so‘zlariga ko‘ra, ikkinchi flotning qayta tiklanishi AQSh «Shimoliy Atlantikada ishonchliroq va kuchliroq harakat qilishini» anglatadi.

Shuningdek, uning ta'kidlashicha, ikkinchi flotning eng asosiy vazifalaridan biri – Rossiya atom suvosti kemalariga qarshi kurashish.

Makgartning qo‘shimcha qilishicha, Rossiya suvosti kemalari NATO kuchlarini mintaqada ittifoqchilarni qo‘llab-quvvatlash uchun joylashtirilishiga xalaqit berishi mumkin.

Eslatib o‘tamiz, avvalroq AQSh Turkiyaning Rossiya bilan bitimidan tashvishda ekanini yana bildirgandi.