Foto: Shutterstock
Rossiya aholisi qisqarishda davom etadi va 2050 yilga kelib bu ko‘rsatkich 132,7 mln kishini tashkil qiladi. Bu haqda BMTning Iqtisodiy va ijtimoiy masalalar bo‘yicha departamenti hisobotida aytiladi.
Tashkilotdan ta'kidlashlaricha, butun dunyoda urbanizatsiya jarayoni davom etadi. Hozirgi asrning o‘rtalariga kelib jahonda shahar aholisi ulushi 68 foizga teng bo‘ladi (hozirgi kunda - 55%).
Bu jarayon Rossiyada ham kuzatiladi. Iqtisodiy va ijtimoiy masalalar bo‘yicha departament ma'lumotlariga ko‘ra, 2050 yilga kelib Rossiya shaharlarida 110,6 mln kishi istiqomat qiladi (yoki 74,4%). Shu bilan birga, aholining umumiy soni pasayib boradi: 2030 yilda 140,5 mln kishi va 2050 yilda 132,7 mln kishi.
