Ye guruhida Braziliya va Kosta-Rika terma jamoalari bellashdi. O‘yin «pentakampeonlar»ning katta ustunligi ostida o‘tgan bo‘lsa-da, muxlislar golni juda uzoq vaqt kutishdi.
Braziliya terma jamoasi bahsda ko‘plab imkoniyatlardan foydalana olmadi va faqat hakam tomonidan qo‘shib berilgan daqiqalarda urilgan Koutino va Neymar gollari evaziga g‘alabani ilib ketdi.
Bu natijadan so‘ng, Braziliya 4 ochko bilan guruhda peshqadam bo‘lib oldi. Serbiya hisobida 3, Shveytsariyada 1 ochko bor. Kosta-Rikada ochko yo‘q. Guruhning yana bir o‘yinida Serbiya va Shveytsariya bellashadi.
JCh-2018, Ye guruhi
Braziliya – Kosta-Rika 2:0
22 iyun, Sankt-Peterburg, «Krestovskiy» stadioni
Gol: 1:0 – 90+1 Koutino, 2:0 – 90+7 Neymar
Braziliya – Alisson, Tiago Silva, Marselo, Fagner, Miranda, Paulino (Firmino, 68), Kazemiro, Koutino, Villian (Duglas Kosta, 46), Neymar, Gabriel Jyezus (Fernandino, 90).
Kosta-Rika – Navas, Gonsales, Akosta, Ovedo, Duarte, Venegas, Borxes, Ruis, Gusman (Texeda, 83), Gamboa (Kalvo, 75), Urenya (Bolanos, 54).
Ogohlantirishlar: Neymar (81), Koutino (81), Akosta (84).
