Yaponiyada daryo qirg‘oqlari yaqinida va ko‘chki xavfi yuqori bo‘lgan hududlarda istiqomat qiluvchi 30 ming aholiga zudlik bilan boshqa joylarga ko‘chish ko‘rsatmasi berildi. Bu haqda NHK telekompaniyasi xabar qilmoqda.
Birgina Kitakyusyu shahrida 12 ming kishiga shunday buyruq berilgan. Kiotoda 18 ming odam ko‘chishi kerakligi aytilgan. Janubi-g‘arbiy va markaziy tumanlarda surunkali yomg‘irlarning tinmayotgani tufayli ko‘chki va daryolarning o‘zanidan toshib ketish xavfi ortmoqda. Suv toshqinlarida odamlarning oqib ketgani haqida ma'lumotlar paydo bo‘lmoqda.
Xususan, Aki shahrida daryolar o‘zanidan chiqib ketishi oqibatida 22 kishi ko‘chishga ulgurmagan. Ko‘plab odamlar qutqaruvchilarni uylarining tomida kutayotgani xabar qilinmoqda. Shahar ma'muriyati qutqaruvchilar o‘z vazifalarini uddalay olmayotgani sababli mudofaa kuchlarini yordamga chaqirgan.
