«Tajik Air» Samarqandga aviaqatnovlarni boshlaydi. Chipta narxi qancha?

Tojikistonning “Tajik Air” milliy aviakompaniyasi Dushanbe-Samarqand-Dushanbe yo‘nalishida aviaqatnovlarni yo‘lga qo‘ymoqda. 

“Zarafshon” nashrining yozishicha, ilk parvoz 28 iyulda Boeing 737-300 avialaynerida amalga oshiriladi.

Aviakompaniya matbuot-xizmati ma'lumotlariga ko‘ra, samolyot Dushanbe xalqaro aeroportidan soat 9:00da havoga ko‘tariladi. Parvoz vaqti 45 daqiqani tashkil etadi.

Chiptaning narxi 684 somoni (taxminan 568 ming so‘m)ni tashkil etadi.

Ikkinchi reys 4 avgustga rejalashtirilgan.