91 kishi. Indoneziyadagi zilzila oqibatida halok bo‘lganlar soni oshmoqda

Indoneziyada tabiiy ofatlar oqibatlarini bartaraf etish bo‘yicha milliy agentlik vakili Sutopo Purvo Nugroxoning xabar berishicha, Lombok orolidagi zilzila qurbonlari soni 91 kishiga yetgan. Bu haqda Associated Press ma'lum qilmoqda.

Nugroxoning so‘zlariga ko‘ra, halok bo‘lganlardan tashqari, tabiiy ofat natijasida 200dan ortiq odam jarohat olgan.

Avvalroq, Indoneziyadagi zilzila qurbonlarining soni 82 kishiga yetgani xabar berilgandi. Bundan tashqari, tabiiy ofat tufayli minglab insonlar xavfsiz joylarga ko‘chirildi.