«Real» Modrichni qo‘yib yuborishga rozi. Ammo buning uchun boshqa supertransfer amalga oshishi kerak

«Real» klubi yarimhimoyachi Luka Modrichni «Inter»ga qo‘yib yuborishga tayyor. Lekin buning uchun bir shart bajarilishi kerak.

Sky Sports nashri xabariga ko‘ra, Modrich Italiyaga ko‘chib o‘tishi uchun madridliklar jamoasi avval unga o‘rinbosar topishi lozim bo‘ladi.

Ayni paytda, «Tottenhem» yarimhimoyachisi Kristian Eriksen xorvatiyalik futbolchining o‘rnini bosishga munosib nomzod sifatida ko‘rilmoqda.

Biroq, «Tottenhem» 26 yoshli daniyalik uchun kamida 200 million yevro so‘ramoqda. Chunki, Angliyada transfer bozori 9 avgust kuniyoq yopilgani sababli, «shporlar» unga o‘rinbosar olisholmaydi.

Bundan avvalroq Modrichning agenti futbolchi milanliklar klubiga o‘tishni istayotgani haqida gapirgandi.