Artel korxonasi O‘zbekiston Respublikasi mustaqilligining 27 yilligi bilan barcha o‘zbekistonliklarni qutlaydi

Artel korxonasi barcha o‘zbekistonliklarni O‘zbekiston Respublikasi mustaqilligining 27 yilligi bilan chin yurakdan muborakbod etadi. Barchangizga baxt-saodat, omad, xonadoningizga baraka tilaydi. Yurtimizga tinchlik-osoyishtalik, farovonlik doimo yor bo‘lsin.

Mustaqillikning qiymatini, qadrini hech qanday boylik bilan o‘lchab bo‘lmaydi. Mustaqillik har bir o‘zbekistonlik uchun bebahodir. Ixtiyorimizning erkinligi, mustaqilligi hayotimizga o‘zgacha ma'no bag‘ishlaydi, o‘zligimizni belgilaydi. Aynan mustaqillik tufayligina har birimiz qadimdan qolgan an'analarimizga amal qilish, ajdodlarimizdan bizga meros qolgan yuksak ma'naviyat va madaniyat, tarixiy xotira, donishmandlarimizning hikmatlarini saqlab qolib avlodlarimizga yetkazib berish imkoniyatiga egamiz.

Tarixan qisqa davrda O‘zbekiston Respublikasi zamonaviy, qudratli, kelajagi buyuk, jadal rivojlanayotgan davlatga aylandi va jahon hamjamiyatida taraqqiy topgan davlatlar orasida o‘z munosib o‘rnini egalladi.

Artel korxonasi barchangizni Mustaqillik kuni bilan chin dildan tabriklaydi, barchangizga tinchlik-omonlik, xonadonlaringizga, el-yurtimizga fayz-u baraka tilaydi. Yurtimiz tinch, mustaqilligimiz esa abadiy bo‘lsin!