Rossiyada norozilik aksiyalari boshlandi: o‘nlab kishilar qo‘lga olindi

9 sentabr kuni Rossiyada Moskva merini saylash uchun saylovlar boshlandi. Bugun shuningdek 21 mintaqa rahbarlari va 16 mintaqada kengashlar deputatlar saylanadi. 

Shu kuni Rossiyaning Vladivostokdan Kaliningradgacha bo‘lgan ko‘plab shaharlarida Aleksey Navalniy tarafdorlari tomonidan pensiya yoshi oshirilishi bo‘yicha islohotga qarshi norozilik namoyishlari bo‘lib o‘tmoqda.

Ayrim shaharlarda aksiyalar hukumat bilan kelishilgan holda o‘tkazilmoqda. Aksar shaharlarda, xususan Moskva va Sankt-Peterburgda esa yo‘q.

Ayni vaqtga kelib aksiya ishtirokchilaridan bir necha o‘n nafari qo‘lga olingan. Jumladan, Xabarovskda 12 kishi, Tomskda kamida 10 kishi, Komsomolsk-na-Amurda 4 kishi qo‘lga olingan. Novosibirskda esa namoyishchilar va politsiyachilar o‘rtasida to‘qnashuvlar kelib chiqqan.