O‘zbekiston TIV Rossiyadagi konsullik okruglari to‘g‘risida ma'lumot berdi

Rossiya Federatsiyasi hududida O‘zbekiston Respublikasining yangi bosh konsulxonalari ochilishi munosabati bilan Tashqi ishlar vazirligi ularga tegishli konsullik okruglari to‘g‘risida ma'lum qildi.

Qayd etilishicha, tashkiliy masalalarni hal qilish zaruriyatini inobatga olib, Vladivostok, Yekaterinburg, Qozon, Rostov-Don shaharlaridagi bosh konsulxonalar tomonidan konsullik harakatlar amalga oshirilmayapti. Shu sababli barcha masalalar hal etilgunga qadar O‘zbekistonning Moskva shahridagi elchixonasi konsullik bo‘limi Volgabo‘yi, Shimoliy-Kavkaz va Janubiy federal okruglariga, Novosibirsk shahridagi bosh konsulxona esa Uzoq Sharq va Ural federal okruglariga ham xizmat ko‘rsatadi.

Har bir konsulxonaning to‘liq faoliyat yuritishi boshlanishi to‘g‘risida qo‘shimcha tarzda ma'lum qilinadi.