Kaspiy oyna zavodi O‘zbekistonga 5 mln dollarlik mahsulot yetkazib beradi

Kaspiy silliq list oynasi ishlab chiqarish zavodi 2019 yil oxiriga qadar O‘zbekistonga 5 million dollarlik mahsulot yetkazib berish to‘g‘risida bitim imzoladi. Bu haqda TASS zavodni boshqarishda ko‘mak ko‘rsatuvchi «VEB Kapital» MChJga asosan xabar bermoqda.

«Kaspiy silliq list oynasi ishlab chiqarish zavodi» AJ O‘zbekiston rezidenti va Vitech Group guruhi vakili - Kommet Pro kompaniyasi bilan bazaviy shartnoma imzoladi. Unga ko‘ra, 2019 yil oxiriga qadar 5 mln dollarlik mahsulot yetkazib beriladi, keyinchalik yetkazib berish buyurtmachi iltimosiga binoan uzaytirilishi mumkin», - deyiladi xabarda.

Vitech Group kompaniyalar guruhi maishiy texnika ishlab chiqarish bilan shug‘ullanadi. Kompaniyaning o‘zi ishlab chiqarish uchun shishani qayta ishlash zavodi ishga tushirilishi munosabati bilan rangsiz silliq list oynasi chiqarishga ixtisoslashgan.

Talab qilinadigan xarid miqdori - oy davomida bittadan beshta vagongacha, deya aniqlik kiritiladi xabarda.