Toshkent metropoliteni yangi yil kechasi o‘z faoliyatini uzaytiradi

31 dekabrdan 1 yanvarga o‘tar kechasi Toshkent metropoliteni o‘z faoliyatini bir soatga uzaytiradi. Bu haqda «O‘zbekiston temir yo‘llari» matbuot xizmati xabar qildi.

«Yangi yil bayrami munosabati bilan Toshkent shahri aholisi va mehmonlari uchun qo‘shimcha qulayliklar yaratish maqsadida bayram kechasida metropoliten faoliyati soat 01:00ga qadar tashkillashtiriladi.

Ya'ni, 2018 yil 31 dekabr kuni soat 22:00dan 2019 yil 1 yanvar soat 01:00gacha bo‘lgan poyezdlar oralig‘i:

- Chilonzor liniyasida - 4 daqiqa,
- O‘zbekiston liniyasida - 5 daqiqa,
- Yunusobod liniyasida - 6 daqiqani tashkil etadi», deyiladi xabarda.