160 dollargacha. Samarqandda sayyohlar kuniga qancha pul sarflayotgani aytildi

Samarqand viloyat turizmni rivojlantirish departamentining ma'lum qilishicha, 2019 yilning 6 oyi davomida Samarqandga dunyoning 156 mamlakatidan 274 ming sayyoh tashrif buyurgan. Bu haqda Zarnews.uz yozmoqda.

Manbada aytilishicha, Samarqandga kelgan har bir sayyoh kuniga o‘rtacha 100 AQSh dollar sarflamoqda. Masalan Yevropa va uzoq Sharq mamlakatidan kelganlar kuniga 150-160 AQSh dollarigacha xarjlashadi. Ammo sayyohlarning Samarqandda o‘rtacha qolish muddati atigi ikki kunni tashkil qiladi.

Departamentning ma'lum qilishicha, 2022 yilgacha Samarqand yiliga kamida 2 million xorijiy sayyohni qabul qilishi, sayyohlarning o‘rtacha tashrif muddati esa kamida 3-4 kunga uzayishiga erishish ko‘zda tutilgan.