5000 dollarga ko‘rshapalak uyasini topib berishni va'da qilgan firibgar qo‘lga olindi

2019 yil 2 sentabr kuni Jizzax viloyatining G‘allaorol tuman IIBdan hujjatlar tushgan, deb xabar bermoqda O‘zbekiston Respublikasi IIV Jamoatchilik va OAV bilan aloqalar boshqarmasi.

Ularga ko‘ra, shu yil 20 mart kuni Toshkent shahar Chilonzor tumanida yashovchi 33 yoshli D.N. Sarbozor mahallasida joylashgan “Mingchinor” choyxonasida tanishi, Toshkent viloyati O‘rtachirchiq tumanida yashovchi 38 yoshli A.U.ga saraton va boshqa turdagi og‘ir kasalliklarga davo bo‘luvchi ko‘rshapalak uyasini topib berishini va'da qilib, aldov yo‘li bilan undan 5 000 AQSh dollari olganligi va shu kunga qadar bergan va'dasini bajarmay pullarni o‘z ehtiyoji uchun ishlatib yuborganligi ko‘rsatilgan.

Holat yuzasidan jinoyat ishi qo‘zg‘atilib, D.N. ushlangan. Tergov harakatlari olib borilmoqda.