AQShda politsiyadan 40 yil yashirinib yurgan qotil qo‘lga tushdi

Meyson 1980 yilda Aydaxo shtatida sodir etgan hujumi uchun qidirilgan. O‘shanda u barni tunashi vaqtida 3 kishi jabrlangan. U bir ayolning yuziga to‘mtoq buyum bilan zarba bergan, boshqa bir kishini to‘pponcha bilan yelkasiga urgan, yana bir kishini boshiga o‘q uzib o‘ldirgan.

O‘shanda Meyson 47 yoshda bo‘lgan. Uni FQB, okrug sherifi va shtatning baliqchilik va ovchilik xo‘jaligi departamenti qidirganiga qaramay, u yashirinishga muvaffaq bo‘lgan va shundan keyin joriy oktyabrgacha qadar uni hech kim uchratmagan.

39 yildan keyin Meyson Texas shtatida topilgan. U o‘zini Uolter Jyeyms Ellison sifatida tanishtirgan, biroq uning shaxsi barmoq izlari yordamida tasdiqlangan. Hozirda 86 yoshda bo‘lgan erkak o‘z aybini tan olishdan bosh tortgan. Ayni vaqtda jinoyatchi Aydaxoga yetkazilib, u yerda qotillik ayblovi bo‘yicha sud oldida javob berishi kutilmoqda.