Rossiya Turkiyaga S-400 yetkazib berishni muddatidan oldin yakunladi

Rossiya Turkiyaga qiymati 2,5 milliard dollarlik to‘rtta S-400 divizionini yetkazib berdi.

Rossiya Turkiyaga S-400 yetkazib berishni yakunladi, deb ma'lum qildi "Rosoboroneksport" bosh direktori Aleksandr Mixeyev.

Uning qayd etishicha, zenit-raketa majmuasining barcha qismlari muddatidan oldin yetkazib berilgan.

Shu bilan birga, Mixeyevning so‘zlariga ko‘ra, "Rosoboroneksport" Hindistonda jahondagi ilk 200-seriyadagi Kalashnikov avtomatlarini ishlab chiqaruvchi qo‘shma korxonasini ochgan.

Turkiyaga S-400 "Triumf" zenit-raketa majmualarini yetkazib berish bo‘yicha shartnoma 2017 yil aprelda imzolangandi.  

Rossiya Turkiyaga qiymati 2,5 milliard dollarlik to‘rtta S-400 divizionini yetkazib berdi.

Turkiya mudofaa vaziri Xulusi Akarning bildirishicha, S-400 kelgusi yil bahorigacha foydalanishga tayyor holga keltiriladi.