Hayot tashvishlaridan charchagan damlaringizda fursat topib, beqiyos tabiat manzaralariga boy go‘shada bo‘lishni xohlaysizmi? U holda sizni «Miraki» sanatoriysiga taklif qilamiz. Bu yer dam olish bilan birga davolanishingiz, salomatligingizni tiklab, immunitetingizni mustahkamlab olishingiz uchun qulay maskan.
Curatlarni ko‘rib bunday joylar qaysi mamlakatda ekan deb o‘ylayotgandirsiz. Ishoning, bu so‘lim go‘sha ko‘hna Shahrisabzda joylashgan. Sanatoriy tabiati hech qanday fotoshopsiz ham odamlarni hayratga soladigan manzaralarga boy.
«Miraki» sanatoriysida bugungi kunda sanitariya-gigiyena talablariga muvofiqlashtirilgan immunitetni mustahkamlovchi davolash va shu bilan birga ichki turizm xizmatlarini ko‘rsatmoqda.
Sanatoriyning betakror tabiati va iqlimi tajribali xodimlar, qulay xonalar, zamonaviy davolash an'analari bilan uyg‘unlashib, davolanish va maroqli dam olishingiz uchun yuqori darajali sharoitlarni ta'minlaydi.
«Miraki» sanatoriysida zamonaviy tashxislar, klinik-bioximik laboratoriya, EKG tekshiruvi, fizioterapiya, lazeroterapiya, jismoniy badantarbiya, uqalash, vibrouqalash, suv bilan davolash (sirkulyar dush, vannalar, suv osti massaj, dush sharko) parafin-ozokerit, balchiq bilan davolash, bug‘ bilan davolash (ingalyatsiya), umurtqa pog‘onasini zamonaviy apparatlar yordamida cho‘zish, trenajyor zali va parhez ovqatlanish sizning sog‘lig‘ingizni tiklash uchun qo‘llaniladi.
