Sanatoriyada davolanmoqchi bo‘lgan fuqarolarning pulini olib, aldab ketgan shaxs ushlandi

Toshkent shahrida jinoyat yuz berdi. Bu haqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabar qilmoqda.

2018 yil 27 fevral kuni Olmazor tumanida yashovchi muqaddam sudlangan X.Z. Samarqand Darvoza ko‘chasi oldida M.B. ismli ayol va K.O.ga “Turon” sanatoriyasida davolanish uchun yo‘llanma olib berishini aytib aldov yo‘li bilan ularning har biridan 750 ming so‘mdan jami 1 mln 500 ming so‘m pul olib bergan va'dasini bajarmay, pullarni o‘z ehtiyoji uchun ishlatib yuborgan.

Ko‘rilgan choralar natijasida X.Z. ushlangan. Holat yuzasidan jinoyat ishi qo‘zg‘atilib, tergov harakatlari olib borilmoqda.