Qarshi shahrida ayrim markaziy ko‘chalar 15 yanvarga qadar yopilmoqda

Qarshi shahrining ayrim markaziy ko‘chalarida 2020 yil 15 dekabrdan 2021 yil 15 yanvarga qadar harakatlanish vaqtincha cheklanadi. Bu haqda Qashqadaryo viloyati hokimligi xabar bermoqda.

Qayd etilishicha, 2020 yil 15 dekabrdan 2021 yil 15 yanvar kuniga qadar soat ertalab 7:00dan kechki soat 24:00gacha Qarshi shahar Mustaqillik shohko‘chasining Islom Karimov ko‘chasi bilan kesishgan chorrahasidan Nasaf ko‘chasi chorrahasigacha, Bunyodkor ko‘chasining Islom Karimov ko‘chasi bilan kesishgan chorrahasidan Nasaf ko‘chasi chorrahasigacha transport vositalarining qatnovi vaqtincha cheklanadi.

Xabarda aytilishicha, bu Qarshi shahar hokimining tegishli farmoyishiga asosan yangi yil bayrami tantanalari o‘tkazilishi munosabati bilan amalga oshirilmoqda.