14:26 / 12.07.2021
5129

Yevroittifoq Rossiyaga qarshi sanksiyalarni uzaytirdi

Iqtisodiy sanksiyalar birinchi marta 2014 yil 31 iyulda «Rossiyaning Ukrainadagi vaziyatni izdan chiqaruvchi harakatlari»ga javoban bir yil muddatga kiritilgandi.

Foto: RIA Novosti

YeI davlatlari tashqi ishlar vazirlari Rossiyaga qarshi sektoral sanksiyalar muddatini yana yarim yilga uzaytirishga qaror qildi. Bu haqda YeI kengashi bayonotida ma'lum qilindi.

«Bugun kengash Rossiya iqtisodiyotining ayrim sektorlariga qaratilgan cheklov choralarini 2022 yil 31 yanvargacha uzaytirishga qaror qildi», — deyiladi hujjatda.

YeIning Rossiyaga qarshi iqtisodiy sanksiyalari Yevroittifoqning Minsk kelishuvlari bajarilishini baholash bo‘yicha sammitida qabul qilingan qaror asosida yarim yilga uzaytiriladi. 

Iqtisodiy sanksiyalar birinchi marta 2014 yil 31 iyulda «Rossiyaning Ukrainadagi vaziyatni izdan chiqaruvchi harakatlari»ga javoban bir yil muddatga kiritilgandi. O‘shandan buyon sanksiyalar muddati uzaytirib kelinmoqda.

Mavzuga oid
Top