Surxondaryo viloyatining Denov tumanidagi portlashda halok bo‘lgan ikkinchi fuqaro jasadi topildi. Bu haqda Favqulodda vaziyatlar vazirligi xabar bermoqda.
Qayd etilishicha, bugun erta tongda «Indenim» savdo markazida ro‘y bergan gaz-havo aralashmasi chaqnashi oqibatida yuzaga kelgan vayronalar ostida qidiruv-qutqaruv ishlari olib borilganda halok bo‘lgan ikkinchi fuqaroning jasadi topilgan.
Joriy yilning 7 dekabr kuni soat 03:57da Denov tumanidagi «Indenim» savdo majmuasida gaz-havo aralashmasi bilan bog‘liq chaqnash yuzaga kelgan. 9 nafar fuqaro turli tan jarohati bilan shifoxonaga yotqizilgan. Chaqnash natijasida sodir bo‘lgan yong‘in 28 daqiqa mobaynida FVV kuch-vositalari tomonidan o‘chirilgan.
Avvalroq, Denovdagi portlash natijasida bir kishi halok bo‘lgani aniqlangandi.
