11:31 / 17.02.2022
7433
Тошкент вилоятида электр тармоқлари корхонаси ходими пора билан ушланди
Фото: Прокуратура департаменти

Бекобод шаҳар электр тармоқлари корхонаси бош муҳандиси метан газ шохобчасини электр тармоғига улаш учун 2 000 АҚШ доллари талаб қилган. Бу ҳақда Бош прокуратура ҳузуридаги Департамент хабар бермоқда.

Қайд этилишича, Бекобод шаҳар электр тармоқлари корхонаси бош муҳандиси Б.К. ўз хизмат мавқейидан фойдаланиб, шаҳар ҳудудида янги қурилаётган метан газ шохобчасини 13-даҳадаги 6 кВтлик “Фидер” қозонхонаси орқали электр тармоғига улаш ҳамда техник шарт бериш эвазига 2 000 АҚШ доллари пора талаб қилиб олган вақтида ашёвий далиллар билан ушланган.

Мазкур ҳолат юзасидан Жиноят кодексининг 210-моддаси (пора олиш) билан жиноят иши қўзғатилиб, тергов ҳаракатлари ўтказилмоқда.

Top