O‘zbekiston tashqi savdo aylanmasida eng yuqori o‘rinni egallagan 10 ta davlat ma’lum qilindi

Davlat statistika qo‘mitasi O‘zbekistonning yanvar oyidagi tashqi savdo aylanmasi qaysi davlatlar bilan amalga oshirilgani haqida ma’lumot berdi.

O‘zbekistonning tashqi savdo aylanmasidagi top-10 davlatlar orasida Xitoy yetakchilik qilmoqda – 621 mln dollar. Bunda, eksport – 157,1 mln, import 463,8 mln dollar.

Keyingi o‘rinlardan mos ravishda Rossiya (573,3 mln dollar, eksport – 180,7 mln, import 392,6 mln dollar) va Qozog‘iston (266,8 mln dollar, eksport – 60,9 mln, import 205,8 mln dollar) joy oldi.

Tashqi savdo aylanmasida qolgan davlatlar ko‘rsatkichi quyidagicha:

• Turkiya – 266,1 mln, eksport – 121,6 mln, import 144,5 mln dollar;
• Koreya – 213,4 mln, eksport – 2,3 mln, import 211 mln dollar;
• Qirg‘iziston – 60,3 mln, eksport – 51,3 mln, import 9 mln dollar;
• Ukraina – 48,9 mln, eksport – 13,3 mln, import 35,6 mln dollar;
• Germaniya – 45,3 mln, eksport – 5,7 mln, import 39,5 mln dollar;
• Hindiston – 44,5 mln, eksport – 1,6 mln, import 42,9 mln dollar;
• Tojikiston – 43,1 mln, eksport – 32,9 mln, import 10,2 mln dollar.

2022 yilning yanvar oyida O‘zbekistonning tashqi savdo aylanmasi 3,5 mlrd dollarga teng bo‘ldi.

Tashqi savdo aylanmasida eksport hajmi 1,4 mlrd dollarni tashkil qildi. Bunda: mahsulotlar – 1,2 mlrd dollar, xizmatlar – 176,5 mln dollar.

Shuningdek, savdo aylanmasida import hajmi 2,1 mlrd dollarga teng bo‘ldi. Bunda: mahsulotlar – 1,9 mlrd dollar, xizmatlar – 147,1 mln dollar.