Samarqand shahrida Musulmon yoshlari forumi o‘tkazilishi mumkin

O‘zbekistonning Saudiya Arabistonidagi elchisi Ulug‘bek Maqsudov Islom hamkorlik tashkiloti (IHT) bosh kotibining gumanitar, madaniy va ijtimoiy masalalar bo‘yicha o‘rinbosari Tarik Baxit bilan uchrashuv o‘tkazdi, deb xabar qilmoqda «Dunyo».

Uchrashuv davomida mamlakat diplomatiya missiyasi rahbari suhbatdoshga O‘zbekistonning o‘z-o‘zini anglashi uchun imkoniyatlar yaratish va kelajakda mamlakat ravnaqiga hissa qo‘shishni o‘z ichiga olgan yoshlar siyosati haqida atroflicha so‘zlab berdi. Tomonlar kelgusi yil bahorida Samarqand shahrida Musulmon yoshlari forumini o‘tkazish bo‘yicha O‘zbekiston intilishini muhokama qildi.

Tarik Baxit ta’kidlashicha, bugungi kunda O‘zbekiston jahon hamjamiyati tomonidan yirik siyosiy, iqtisodiy, ilmiy, madaniy va boshqa tadbirlarni yuqori tashkiliy va asosli darajada o‘tkazish bo‘yicha xalqaro markaz sifatida e’tirof qozondi. U joriy yil 26 iyul kuni Toshkentda bo‘lib o‘tgan "Afg‘oniston: xavfsizlik va iqtisodiy rivojlanish" xalqaro konferensiyasidagi ishtirokini qayd etdi. Xalqaro forum ahamiyatini qayd etar ekan, Tarik Baxit anjuman Afg‘onistondagi vaziyatni barqarorlashtirish va mamlakat nizodan keyingi tiklanishi uchun mazmunli, majmuaviy va muvofiqlashtirilgan yondashuvlarni ishlab chiqishga hissa qo‘shganini ta’kidladi.

Tarik Baxit IHTga a’zo davlatlar ishtirokida O‘zbekistonda Musulmon yoshlar forumini o‘tkazish tashabbusini qo‘llab-quvvatlar ekan, lozim bo‘lsa uni tashkil etishda ko‘maklashishga tayyor ekanini ma’lum qildi.