Samarqand hududlar kesimida qayd etilgan nikohlar soni bo‘yicha 1-o‘rinni egalladi 

2022 yil yanvar-oktabr oylarida respublika bo‘yicha FHDYo organlarida 233 559 ta nikoh holatlari qayd etilgan.

Davlat statistika qo‘mitasi ma’lumotlariga ko‘ra, hududlar kesimida qayd etilgan nikohlar soni bo‘yicha Samarqand viloyati birinchi o‘rinni egallab turibdi – 26 540 ta.

Undan keyingi o‘rinlarni mos ravishda 25 521 ta hamda 24 380 ta nikohlar qayd etilgan Farg‘ona viloyati va Qashqadaryo viloyati egalladi.

Ushbu ko‘rsatkich qolgan hududlar kesimida quyidagicha ko‘rinishga ega bo‘ldi:

• Surxondaryo viloyati – 20 182 ta; 
• Andijon viloyati – 19 855 ta; 
• Toshkent viloyati – 19 039 ta; 
• Toshkent shahri – 18 848 ta;
• Namangan viloyati – 18 382 ta;  
• Buxoro viloyati – 12 581 ta; 
• Xorazm viloyati – 12 419 ta; 
• Qoraqalpog‘iston R. – 12 146 ta;  
• Jizzax viloyati – 10 221 ta;  
• Navoiy viloyati – 7 266 ta;  
• Sirdaryo viloyati – 6 179 ta.