Uzum o‘rtacha 4,5 foizga oshgan, limon narxlari 18,8 foizga arzonlashgan.
2022 yil noyabr oyida meva-sabzavot mahsulotlari narxlari oktyabr oyiga nisbatan, ya’ni bir oyda o‘rtacha o‘zgarish holati e’lon qilindi.
Davlat statistika qo‘mitasi ma’lumotlariga ko‘ra, noyabr oyida bodring narxi o‘rtacha 75 foizga oshgan.
Ushbu ko‘rsatkich qolgan mahsulotlar kesimida quyidagicha ko‘rinishga ega:
- pomidor – 24 foizga oshgan;
- piyoz – 11,1 foizga oshgan;
- tarvuz – 6 foizga oshgan;
- sabzi – 5,8 foizga oshgan;
- uzum – 4,5 foizga oshgan;
- banan – 3,3 foizga oshgan;
- qovun – 3,2 foizga oshgan;
- nok – 2,5 foizga oshgan;
- kartoshka – 2,2 foizga oshgan;
- shaftoli – 1,9 foizga oshgan;
- olma – 1,9 foizga oshgan.
O‘z navbatida, quyidagi mahsulotlar narxida pasayish kuzatildi:
- limon – 18,8 foizga arzonlashgan;
- sholg‘om – 2,3 foizga arzonlashgan;
- turp – 2,1 foizga arzonlashgan.
