O‘zbekistonda pilla yetishtirish bo‘yicha yetakchi hudud ma’lum qilindi

2022 yilning yanvar-sentabr oylarida respublika bo‘yicha jami 24,2 ming tonna pilla xomashyosi tayyorlangan.

Davlat statistika qo‘mitasi ma’lumotlarga ko‘ra, bu o‘tgan yilning mos davri bilan solishtirilganda 6,4 foizga oshgan.
  
Hududlar kesimida yetishtirilgan pilla xomashyosi hajmi bo‘yicha Samarqand viloyati birinchi o‘rinni egalladi – 3 122,6 tonna.

Undan keyingi o‘rinlardan mos ravishda 3 115,2 tonna hamda 2 574,4 tonna pilla xomashyosi yetishtirilgan Andijon viloyati va Buxoro viloyati joy oldi.

Ushbu ko‘rsatkich qolgan hududlar kesimida quyidagicha ko‘rinishga ega bo‘ldi:

Qashqadaryo viloyati – 2 295,8 tonna;  
Farg‘ona viloyati – 2 241 tonna; 
Namangan viloyati – 2 031,5 tonna; 
Xorazm viloyati – 2 015,3 tonna;
Surxondaryo viloyati – 1 832,1 tonna; 
Toshkent viloyati – 1 710,4 tonna;
Navoiy viloyati – 1 022,2 tonna; 
Jizzax viloyati – 802,7 tonna;
Qoraqalpog‘iston R. 802,1 tonna; 
Sirdaryo viloyati – 665,6 tonna.