O‘zbekistonda ikkinchi xalqaro energetika forumi bo‘lib o‘tadi

Energetika vazirligi ma’lumotiga ko‘ra, forum doirasida «O‘zbekiston neft va gazi – OGU  2023» 25-yubiley xalqaro ko‘rgazmasi, «Energetika, energiyani tejash, atom energetikasi, muqobil energiya manbalari – Power Uzbekistan- 2023» 16-xalqaro ko‘rgazmasi, «Yashil energetika texnologiyalari – GETCA 2023» ixtisoslashtirilgan bo‘limi va  3-Xalqaro O‘zbekiston energetika anjumani o‘tkaziladi.

Forum O‘zbekiston hukumati va Energetika vazirligi ko‘magida Iteca Exhibitions xalqaro ko‘rgazma kompaniyasi va uning hamkorlari – CA Eurasia Group va  Congresses of Central Asia – CCA tomonidan tashkil etilmoqda

Tadbirlar doirasida xorijiy va mahalliy kompaniyalar, xalqaro ekspertlar hamjamiyati vakillari ishtirokida sohaga oid dolzarb mavzularni muhokama qilish rejalashtirilgan.

Ko‘rgazma stendlarida zamonaviy asbob-uskunalar, sanoat materiallari, xomashyo va xizmatlar, jumladan, lokalizatsiyaga mo‘ljallangan namunalar namoyish etiladi.