Toshkent shahridagi ko‘p qavatli uylarda liftda qamalib qolish holatlari ko‘paymoqda. Qutqaruvchilar yaqin kunlarda 5 holatda lift ichida qolib ketgan fuqarolarni olib chiqishdi.
FVV xabariga ko‘ra, bugun, 9 aprel kuni soat 11:51 da poytaxt FVBga “112” tizimi orqali Mirzo Ulug‘bek tumani Avayxon ko‘chasida joylashgan “dom”lardan biridagi liftda fuqarolar qolib ketgani haqida xabar kelib tushgan. Aytilgan manzilga zudlik bilan FVB qutqaruvchilari yetib borgan. Maxsus asbob-anjomlar yordamida lift ochilib, ichidagi ona va bola sog‘-salomat qutqarilgan.
Mirzo Ulug‘bek tumanida 2025 yil 3 aprel kuni ham liftda qamalib qolish holati kuzatilgandi. O‘sha kuni soat 3:40 da tumanning Niyozbek yo‘li 6-tor ko‘chasida joylashgan ko‘p qavatli uylarning biridagi lift qulflanib qolgani, uning ichida fuqarolar qolib ketgani haqida FVBga xabar kelib tushgan. Manzilga yetib borgan qutqaruvchilar liftni ochib, ichkaridagilarni olib chiqishgan.
Shu kabi holatlar 1 va 7 aprel kunlari Yunusobod, 8 aprel kuni esa Shayxontohur tumanida kuzatilgan. Shayxontohurdagi holatda liftda qamalib qolganlar yon devordan tuynuk ochish orqali olib chiqilgan.
Oldinroq Yashnobod tumani Normuhammedov dahasi 12-uyning liftida ham nosozlik yuz bergandi. Ijtimoiy tarmoqlarda tarqalgan videoga ko‘ra, lift ichidagi odamlari bilan birga harakatdan to‘xtab qolgan. O‘shanda Qurilish va uy-joy kommunal xo‘jaligi vaziri o‘rinbosari Ozoda Jo‘rayeva Yashnobod tumani hokimi, Sanoat, radiatsiya va yadro xavfsizligi qo‘mitasi vakillari va boshqa mutasaddi tashkilotlar bilan holatni joyiga borib muhokama
