SunExpress aviakompaniyasi Turkiya va O‘zbekiston o‘rtasida parvozlarni boshladi.
Foto: Transport vazirligi axborot xizmati
Turkiyaning SunExpress aviakompaniyasi Samarqand va Izmir o‘rtasida muntazam aviaqatnovlarni yo‘lga qo‘ydi.
13 noyabr kuni Izmirdan parvoz qilgan samolyot birinchi marta Samarqand aeroportiga qo‘ndi.
Qayd qilinishicha, SunExpress mazkur yo‘nalishda muntazam qatnovlarni haftada ikki marotaba, dushanba va payshanba kunlari amalga oshiradi. Samolyot Izmirdan soat 22:05 da uchadi, Samarqandga soat 4:40 da qo‘nadi. O‘z navbatida, Samarqanddan soat 5:40 da uchib ketadi va Izmirga soat 9:05 da yetib boradi. Har bir aeroport uchun mahalliy vaqt ko‘rsatilgan.
