Bo‘stonliqdagi Oqtosh qishlog‘ida bodom gulladi

Toshkent viloyatining tog‘li Bo‘stonliq tumanidagi Oqtosh qishlog‘ida bodom gullagani xabar qilindi.

Iqlimshunos Erkin Abdulahadovning ma’lumot berishicha, bu hudud uchun ommaviy gullashga o‘xshamaydi.

«Oy davomida yuqori issiqlik to‘lqinlari daraxtlar tanasiga issiqlik stressini ulashishda davom etmoqda.

Hatto tog‘larda qishki uyquga otlangan bodom daraxtida qayta faollik hamda gullash davri kuzatilibdi.

Bu hudud uchun ommaviy gullashga o‘xshamaydi. Menimcha, mikroiqlim yoki daraxt ildizi atrofida issiqlik uzatish tizimlari ta’siri bo‘lishi mumkin (balki daraxt fiziologiyasida muammolar bordir)», deb yozadi Erkin Abdulahadov.

Ta’kidlanishicha, bu tog‘ landshafti uchun juda noodatiy hodisa hisoblanadi.