O‘zbekiston xalqaro aeroportlarida ayrim reyslar parvozi kechiktirildi

O‘zbekiston xalqaro aeroportlarida ayrim reyslarning parvoz vaqti kechiktirildi. Bu haqda Uzbekistan Airports xabar bermoqda.

Kechiktirilgan reyslar bo‘yicha ma’lumot:

• Uzbekistan Airways aviakompaniyasining HY9829 (Namangan – Yekaterinburg) reysining uchishi Toshkent vaqti bilan soat 14:00 ga qoldirildi;
• Uzbekistan Airways aviakompaniyasining HY9807 (Namangan – Nijnevartovsk) reysining uchishi Toshkent vaqti bilan soat 22:30 ga qoldirildi;
• Flynas aviakompaniyasining XY699 (Jidda - O‘sh) reysi manzil aeroportdagi noqulay ob-havo sharoiti tufayli Toshkentdagi muqobil aerodromga qo‘ndi;
• Panorama Airways aviakompaniyasining 5P361 (Toshkent –   Madina) reysining uchishi texnik sabablarga ko‘ra Toshkent vaqti bilan soat 14:00 ga qoldirildi.

Bundan oldin quyuq tuman O‘zbekistondagi bir qator aeroportlar faoliyatini cheklab qo‘ygani xabar berilgandi.