Ukrainada, oçiq manbalarning tasdiqlangan ma’lumotlariga köra, 29 dekabr, juma kuni holatiga 40 599 nafar rossiyalik harbiy halok bölgan. «Mediazona» va VVS rus xizmati jurnalistlari köngillilar guruhi bilan birgalikda Rossiyaning Ukrainaga keng kölamli uruşi boşlanganidan beri rus armiyasining yöqotişlarini sanamoqda. Uşbu ma’lumotlar faqat qarindoşlar, mansabdor şaxslar, ommaviy axborot vositalari yoki qabristonlardan olingan fotosuratlar tomonidan tasdiqlangan yöqotişlarni hisobga oladi. 

Uşbu ma’lumotlarga köra, birgina sönggi ikki hafta içida 1175 nafar rossiyalik harbiy halok bölgan, jumladan, beş nafar katta ofitser: podpolkovniklar Nikolay Komarov, Dmitriy Katsuba, Robert Mirzoyev, Aleksey Permyakov va polkovnik Andrey Melnikov. 29 dekabr holatiga köra, Ukrainada 4915 nafar safarbar qilingan rossiyalik halok bölgan. 

Mualliflarning ta’kidlaşiça, 2023 yil Rossiya armiyasi uçun kamida 15,5 ming kişi halok bölgan uruşning birinçi yiliga qaraganda qonliroq böldi. Ular fikriça, bu Rossiya armiyasining köplab hujum harakatlari bilan boğliq. Rossiya Federatsiyasi hududlari orasida eng köp ölganlar Boşqirdiston (1304), Buryatiya (1071), Sverdlovsk (1415) va Çelyabinsk (1164) viloyatlarida qayd etilgan. Loyiha mualliflari Moskva oblasti (1114) va Krasnodar ölkasi (1541) aholisi orasida köp sonli yöqotişlarni uşbu hududlarda köngillilarning qabristonlarga faol taşrif buyurişi va harbiylar qabrini suratga olişi bilan izohlaydi. 

Rossiya va Ukraina öz yöqotişlarini yaşirmoqda 

Rossiya Mudofaa vazirligi Rossiyaning Ukrainadagi yöqotişlari haqida rasmiy ma’lumotlarni e’lon qilmayapti. Oxirgi marta Rossiya hukumati 2022 yil sentabrida ölganlarning umumiy sonini e’lon qilgan edi – 5937 kişi. 2023 yil dekabr oyining örtalarida AQŞ razvedkasi öz ma’lumotlarini e’lon qildi, unga köra Rossiya Federatsiyasining uruşdagi yöqotişlari halok bölgan va yaralangan 315 ming harbiy xizmatçini taşkil etadi. 

Ukraina ham öz yöqotişlarini oşkor etmayapti. Amerika razvedkasi joriy yilning avgust oyida bu borada öz hisob-kitoblarini e’lon qildi. Unga köra, 70 ming harbiy halok bölgan va 120 ming yaralangan.