Ўзбекистон ташқи ишлар вазири Бахтиёр Саидов Словакия ташқи ва Европа ишлари вазири Юрай Бланар билан учрашди.
"Ўзбекистон ва Словакия ўртасида иқтисодий ҳамкорлик тўғрисидаги битимни Словакия ташқи ва Европа ишлари вазири Юрай Бланар жаноблари билан имзолаганимиздан мамнунмиз", – деб ёзди Ўзбекистон ТИВ раҳбари.
Қайд этилишича, ишбилармонлик алоқалари, савдо-сотиқни ривожлантириш ва қўшма лойиҳалар икки томонлама муносабатларни ривожлантиришда янада сезиларли натижалар беради.
Учрашув давомида икки томонлама, минтақавий ва глобал ҳамкорликнинг қатор масалалари юзасидан ҳам фикр алмашилди.
Маълумот учун, Ўзбекистон ва Словакия ўртасидаги дипломатик муносабатлар 1993 йил 1 январда ўрнатилган.
