To‘rt yillik bakalavriat dasturini tamomlagan birinchi bitiruvchilar xalqaro e’tirofga sazovor bo‘lgan diplomlarga ega bo‘lishdi.
2 noyabr kuni British Management Universityi (BMU) universitet tarixidagi ilk bitiruvchilari uchun bitiruv marosimini o‘tkazdi. Bakalavriat dasturini muvaffaqiyatli tamomlagan bitiruvchilarga British Management University, shuningdek, BMU'ning hamkori, 150 yillik xalqaro tajribaga ega Britaniyaning mashhur universiteti Edinburg shahrida joylashgan Queen Margaret University (QMU) diplomlari topshirildi.
Tadbir nafaqat to‘rt yillik ta’lim yo‘llarini yakunlagan bitiruvchilarning bayrami, balki ta’lim sohasining barcha nufuzli vakillarini birlashtirgan tadbir bo‘ldi. Marosimda O‘zbekiston Oliy ta’lim, fan va innovatsiyalar vazirligidan tashrif buyurgan mehmonlar, taniqli professor-o‘qituvchilar, ko‘p yillik tajribaga ega o‘qituvchilar, ota-onalar, xususiy sektor vakillari va boshqa ko‘plab kishilar ishtirok etdi. Maxsus mehmon QMU prorektori, professor Richard Batt bo‘lib, u bitiruvchilarga ilhomlantiruvchi nutq so‘zladi va o‘z orzusidagi kasb yo‘lidagi tajribalari bilan o‘rtoqlashdi.
"Yangi O‘zbekistonning izchil yuksalishi va rivojlanishi mamlakat ta’lim sohasini o‘zgartirishning asosiy omillaridan biridir. British Management University bilan yaqin hamkorligimiz orqali ushbu ulug‘vor jarayonning bir qismi bo‘lganimdan juda mamnunman. Oldinda bizni Queen Margaret University bilan hamkorlikda ishlab chiqilgan ko‘plab yangi dasturlar va innovatsion o‘qitish usullari kutib turibdi", - dedi janob Richard Batt.
Marosimning rasmiy qismi qat’iy universitet protokoliga to‘liq muvofiq ravishda o‘tkazildi: bitiruvchilar uzoq kutilgan diplomlari bilan bir qatorda o‘zlarining alma-materlarining eksklyuziv hamjamiyatining bir qismiga aylandilar, bu tadbirlarda va onlayn uchrashuvlarida doimiy qatnashish uchun eshiklarni ochadi.
“Bitiruvchilarni ushbu muhim daqiqa bilan tabriklayman. Bu nafaqat muhim yutuq, balki hayotdagi yangi bosqichning boshlanishi. Dunyo doimo o‘zgarib bormoqda va sizni orzu va intilishlaringizni yodingizda tutgan holda o‘rganish hamda rivojlanishda davom etishingizni tavsiya qilaman. Biz siz bilan faxrlanamiz va universitet eshiklari siz uchun doim ochiqligini eslatamiz", - deya bitiruvchilarni tabrikladi BMU rektori Konrad Ozog.
