Lavrov migrantlar orasida jinoiy guruhlar paydo bo‘lishining oldini olishga chaqirdi

Rossiya TIV rahbari Rossiyadagi mehnat migrantlari sonini kamaytiradigan chora-tadbirlar O‘zbekiston manfaatlariga ham javob bermasligini ta’kidladi.

Foto: TASS

Mehnat migrantlari orasida jinoiy tendensiyalarning shakllanishiga yo‘l qo‘ymaslik kerak. Bu haqda Rossiya tashqi ishlar vaziri Sergey Lavrov O‘zbekistonga tashrifi yakunlari bo‘yicha o‘tkazilgan matbuot anjumanida aytib o‘tdi, deb yozdi TASS.

Rossiya TIV rahbari Rossiyadagi mehnat migrantlari sonini kamaytiradigan chora-tadbirlar ikki tomonlama manfaatlarga javob bermasligini ta’kidladi. Lavrov bunga sabab sifatida mamlakatning rivojlanish rejalariga ta’sir qiladigan «mehnat qo‘llarining» yetishmasligini ko‘rsatdi.

«Ammo muammoning ikkinchi qismi - Rossiya qonunlariga rioya qilish va mehnat migrantlari o‘rtasida jinoiy tendensiyalarning shakllanishiga yo‘l qo‘ymaslik zarurati», deb qo‘shimcha qildi vazir.

Uning ta’kidlashicha, Rossiya O‘zbekistonni migrantlar o‘rtasida terrorizm va jinoyatchilik xavfini minimallashtirish «zarurligini to‘liq anglab yetgan» deb hisoblaydi.

Tayyorlagan: Сардор Юсупов

#Rossiya #Sergey Lavrov #migratsiya