Toshkentdagi texnopark hududida yong‘in kelib chiqdi

Yakkasaroy tumanidagi texnopark hududida yong‘in sodir bo‘ldi.

Bugun, 1 may kuni soat 07:01 da Toshkent shahar, Yakkasaroy tumani, Qo‘shbegi ko‘chasidagi Texnopark hududida joylashgan sintepon ishlab chiqarish sexida yong‘in ro‘y berganligi to‘g‘risida FVBga xabar kelib tushgan.

Shunga ko‘ra yong‘in-qutqaruv ekipajlari soat 07:04 da hodisa joyiga yetib borib, yong‘in bartaraf etilmoqda. Vaziyat nazoratga olingan.

FVV xabariga ko‘ra, qo‘shimcha ma’lumot taqdim etiladi.