Tramp Rossiyaning Zelenskiyning qonuniyligi haqidagi pozitsiyasini «bema’nilik» deb atadi

Moskvaning Ukraina prezidentining qonuniyligi haqidagi fikri muhim emas va Rossiya Ukrainaga bostirib kirishni to‘xtatmasa, «iqtisodiy urush»ga duch kelishi mumkin, dedi AQSh prezidenti Donald Tramp.

Foto: Getty Images

Moskva Volodimir Zelenskiyning Ukraina prezidenti lavozimida g‘ayriqonuniy mavjudligi haqida gapirganda, «o‘yin» qilmoqda, bunday so‘zlarni jiddiy qabul qilmaslik kerak. Bu haqda 26 avgust, seshanba kuni Oq uyda jurnalistlar bilan suhbatda AQSh prezidenti Donald Tramp aytdi.

Jurnalistlardan biri Moskva Zelenskiyning qonuniyligi haqidagi fikrini AQSh prezidentiga bildirganmi, deb so‘radi. Jurnalist Rossiya tashqi ishlar vaziri Sergey Lavrovning bir necha kun oldin aytgan so‘zlarini eslatib o‘tdi, unga ko‘ra Moskva Zelenskiyning ehtimoliy tinchlik bitimini imzolashga vakolati yo‘q deb hisoblaydi.

«Nima deyishi muhim emas. Hammasi bema’nilik. Ularning hammasi ma’lum bir pozitsiyada. Hammasi bema’nilik. Hammasi o‘yin qilyapti», — deb javob berdi Tramp. U zalda bo‘lgan maxsus elchi Stiv Uitkoffdan bu haqda qanday fikrda ekanligini so‘radi. "Men sizning fikringizga qo‘shilaman, ser", - deb javob qildi Uitkoff.