Qoʻshimcha funksionallar
-
Tungi ko‘rinish
Ukraina GUR: Qrimda ikkita Mi-8 vertolyoti va buksir yo‘q qilindi
Operatsiyaga «Prizraki» maxsus bo‘linmasi vakillari jalb qilingan, deb xabar berdi Ukraina Mudofaa vazirligi razvedka boshqarmasi matbuot xizmati.
Ukraina Mudofaa vazirligi Bosh razvedka boshqarmasining (GUR) uchuvchisiz uchoqlari Rossiya Federatsiyasi tomonidan qo‘shib olingan Qrimning Simferopol tumanidagi Gvardeyskoye aerodromida Rossiyaning ikkita Mi-8 vertolyotini yo‘q qildi, deb xabar berdi 1 sentabr, dushanba kuni Telegramʼda GUR matbuot xizmati.
Ukraina razvedkasi ma’lumotlariga ko‘ra, foydalanishdan chiqarilgan vertolyotlarning taxminiy narxi 20 milliondan 30 million dollargacha. Bundan tashqari, Sevastopol ko‘rfazida buksir kateri — ehtimol BUK-2190 yo‘q qilingan.
Reydli buksir suvosti diversion kuchlar va vositalarning bir qismidir (razvedkachi g‘avvoslar bo‘linmasi). «Buksirning shikastlanishi elita rus bo‘linmasining jangovar imkoniyatlarini sezilarli darajada cheklaydi», — deyiladi Bosh razvedka boshqarmasi matbuot xizmati xabarida.
Rossiya-Ukraina urushi
