AQSh moliya vaziri: Rossiyaga qarshi sanksiyalarning barcha variantlari ko‘rib chiqilmoqda

AQSh moliya vaziri Skott Bessentning aytishicha, Rossiya va AQSh prezidentlari Vladimir Putin va Donald Trampning Ankorijdagi sammiti ortidan Ukrainaga hujum qilishda davom etayotgan Rossiyaga qarshi keyingi sanksiyalar uchun «barcha variantlar muhokamada». Bessent Fox News telekanaliga intervyu berdi.

«Prezident Putin, Ankorijdagi tarixiy uchrashuvdan so‘ng, Yevropa yetakchilari va prezident (Volodimir) Zelenskiy dushanba kuni (18 avgust) Oq uyda uchrashgan telefon qo‘ng‘irog‘idan so‘ng, o‘zi aytganining teskarisini qildi – aslida u bombardimonlarni kuchaytirdi», — dedi Bessent.

«O‘ylaymanki, prezident Tramp o‘zining barcha variantlarini ko‘rib chiqmoqda va menimcha, biz bu hafta ularni diqqat bilan ko‘rib chiqamiz», — deya qo‘shimcha qildi u.